Ulah nya cheremin ke nyeremin diri kitai empu.Ulah nya urat ke tumbuh ba dalam, tang bebuah ba luar.Ulah nya kaling ke pengabis rapat tauka munsuh ke pengabis jai.Ulah nya lurus sereta konsisten agi ari jaku kitai empu.Ulah nya ngambarka jemah ila belalauka peneleba dulu suba.Ulah ulih ngerapat orang ngagai kitai tauka nyerara kitai ari orang.Ulah enda nemu puas semadi iya dibantai.Ulah nya tibang penemu kitai kelia suba.Ulah nya bejaku pasal kemaya hari tu.Ulah nya ka buah kenang jemah ila.
[Ulah nuan nentu ka pengawa ke deka dikereja nuan. Pengawa nuan nentuka pemujur batang pengawa]

Wednesday, September 22, 2010

Kenang Aku.....Senentang Meda TV

Kelia.........80an!!!!
Tu gamal Tv kami kelia....14 inci, enda nemu nama brand!!!
Dulu menya....Tv kami bakatu, pemesai iya 14 inci, nadai kaler(Hitam/Putih), enda ngena karan api injin sesco baka ka diatu, enti deka masang semina ngena bateri kerita. N40....umbas iya pemerat.

Maia nya suba, ba rumah panjai kitai di Lubau, nadai maioh ka bisi Tv, sepintu dua aja ka bisi, enggie kitai nyau kelama baru bisi, kadang-kadang enti deka meda tv nyau ngagai bilik orang ka bisi tv.....aku enda ingat agi ni maia kitai nyau bisi tv maia nya suba. Nyau kepuas, engka laban ketegal pengeliat ati sida Apai enggau Indai maia nya suba, engka ketegal enggai mega alah ari urang bukai kini, enggai ka bala anak ngining urang meda tv, nya baru nyau kelama baru kitai ulih ga meli tv baka urang bukai. Bala sida Apai Ninok,Indai Imbuh, Indai Roy, Indai Da, Apai Marshal engka agi ga ingat ni maia ka meli tv maia nya suba, sapa ka nurun meli tauka sapa meli, ba pasar ni kini, di Betong ka?, sekali ka di Simanggang tauka di Debak?

Lalu mulai ngagai pengawa ka bepeda ka tv, maia jemah nya suba, tusah endar ga, selalu abis bateri, bateri semina ulih kena dalam kandang seminggu lebih aja, nitih ka penyuah ka bepasang ka iya ga, suah agi masang, jampat agi ga bateri abis, udah nya enti maia bateri ka abis, lalu anjung ga cas, asuh bai van Liok, van Panang, van anak akie, van kaji tauka ba van Apai Wat, bala sida ka bedagang ngena van tu mih ka mai bateri ke pasar ngecas iya, nyau hari siti baru datai,enti datai, sekali ngechas maia nya enti enda salah ingat aku asai ka tiga ringgit kini? Kadang-kadang beasuh-asuh ka ngerinan mai pemerat bateri ngagai tisi jalai endur ka ngambat van, meda tv ka endar!!!, ngechas beasu-asuh, kami duai Apai Owen ka suah agi nganjung ngechas ngagai van......laban ka ngarap ka upah meli sekelim ba Panang......!

Maia nya mega semina rtm satu enggau dua aja, ka ulih peda,nya pan enda tentu terang endar, nyin endur engkah tiang tv....puchuk perabung rumah, ni baka ka kemaya hari tu, nyau bisi Astro......senegar nekan ka "Remote Control", semilih ni "channel" ka deka di peda. Tv kami suba nyau ulih musin ka suis kena milih "channel", taja ka dua iti aja "channel"....

Kelia maia nya mega, nama bilik bisi tv udah manah endar, ukai nya murah ga rega tv maia nya, bebendar ngerejang getah, begumpul ka buah lada enggau sida Apai enggau Indai. Udah bisi tv lantang amai ati kitai sebilik, enda kiruh ngagai bilik urang bukai agi bepeda ka tv.

Diatu.......2010!!!!
Tv kemaia hari.....LCD tauka Plasma!!!!
Rauh-rauh bala anak ngasuh bebeli ka tv(Baka gambar ka datas tu), Tv LCD.....akai nyau begaru pala gasak, munyi ko Mau, enda ulih gaga begeru-geru enti bakatu munyi ko Apai Ninok, ba ati ka endar mih meli, tang? nemu-nemu lah!!!!
Nya mih enti maia ke pasar kiruh endar nyeliah ka kedai ka nyual tv LCD, ni ulih seliah ka, bala sida anak nemu agi ari kitai diatu, enda sida nemu maioh agi pekara bukai ka lebih penting ari tv, tv ka diatu pan di kira aku udah chukup manah, ukai enggai meli, tang nganti maia ka nyau pama-pama agi ga, enda pia!!!!?
Bala sida anak ukai nemu utai nadai, peneka sida ka nyebut, uji ti sida baka kami suba, baru sida nemu, udah nasib maia agi mit suba kami ulih meda tv, taja pan tv nadai kaler. Udah manah sida ada lalu bisi tv, tu meda tv ka biasa bisi Astro agi, nya pan sida lalu ka tv ka manah agi baka LCD.....atai....deh eeahhh!!!!! chukup nyamai nyebut.
Ka penudi.....tu semina leka kenang aku ba ditu aja, di kena mulai ka pengingat senentang kami lebuh maia kelia menya bepeda ka tv.
Kenang ka bukai ila mantai ka baru.
Terima Kasih!!!!!!

11 comments:

mau said...

hehehe agik ingat tv dibli apok di rumah pasar betong din kalia..nyau bisi kena kapit pintu tv tudah tunjuk jari laban penapat muka n nutup pintu tv hahaha...sempat ngau tv hitam putih nya meh..udah nya baru apok bisi mli tv kaler hehe..

teringat ke bala madi beasuh-asuh pangan diri musin ke tiang munti panjai ti alai engkah tiang tv..kategal ka ndar meda siaran rtm1,2 n tv3 kenu hahahaa

Mr. Boy said...

kenang ti manah... Ku semina ka kunsi cerita leboh ti meda tv bala maioh ba lubau suba. Maya nya bc pekit belagu ke kumbai sda melayu Bintang RTM. Maya final nya suba maioh bala kitai serumah meda tv ba bilik kitai d lubau lama. Agik ingat aku, apai ligong nyau ngentak ke kaki leboh Ramlah Ram juara pekit belagu gau lagu "kau kunci cintaku dalam hatimu". Nyau rakah2 iya ketawa meda manok sabong iya Ramlah Ram jadi juara. Maya tv kitai agik hitam putih....

Apai Zidane said...

Hahaha...

Maia nya kada sama setaraf enggau Akademi Fantasia ka diatu Bintang RTM ney DDwen....

Kada Apai Ligong utai ka di kumbai AF. Enti iya bisi meda kada enda minat iya ka Mawi tauka Mas.

Hehehehehe......

Sayang said...

Haha.Minat endar apai ligong ke Ramlah Ram neh. Kumbai ku minat Siti Nurhaliza iya.hahahaha

Apai Ninok said...

Nya agi aku ingat leboh apai Zidan belaya enggau niang aya Ram suba berebut ka meda TV. ha..ha..

mau said...

ohh sempat belaya pia apai zidane ngau niang aki ram?

ga iya ti paling Ma-ngeih ke kita madi maia ti agi bujang kalia deh,,,ni ndak ngau tudah aki ram ti nelap nya pan ulih meh ngau belaya hehehe..

kasih tudah niang ungkut ti slalu diupah ngangkut bateri tv suba maia gik di umh lama..

Apai Ninok said...

Niang Ungkut menya mina gaji enggau lauk ikan masin aja

Apai Zidane said...

Sekeda cherita tv maya tu suba baka Combat, Six Million Dollar Man, Bionic Women, Little House On The Prairie, Fantasy Island, The Wonderful World Of Disney,semua tu agi dikingat aku nyentukka seharitu. Program belagu ti popular bendar iya Donny and Marie diri menyadi. Udah bisi cherita Melayu tang suah agi mandang ka filem 60-an kelia cherita P.Ramlee.

DD wen said...

Ba pasar betong suba paling lucu maya ka mda tv3. Maya nya siaran tv3 bdau ulih d peda ba menua kitai. Nyau baka cuit tiang payang endur ngelekat ja area. Udah nya perlu gik d pusing kulu kili ka tiang nya...hahaha.. Agik ingat aku, maya ka meda final muzik2. Siko musing, siko jadi nyaut. Dahhh...bdau...dahhh...bdauuu..dahhh..bdauuu..
Nyau lelak musing...muzik2 pan abis. Terpaksa mda begulai gau sda manyiiie...nyau mersihh.

mau said...

udahhh ko leka tanya siku ti megai tiang munti/payang ndor engkah tiang tv....bedauuuuu ko siku ti dugau2 depan tv...
udahhhh, bedauuuu, udahhhhhh, bedauuuu, udahhhh, bedauuu

nya munyi tanya saut sida ke kiruh ka meda siaran tv1,2,3 kalia hahaha...

maia ti jahat ati nya..ka amat beduan tudah sapa ti musin/ngangkat ke tiang munti nya...lelak pedis jari n lengan musin..iya ke duduk depan tv nang nadai meda tv pan..

itulah kenangan lalu..aku n apai tuan ti selalu jd mangsa hahaha

Yosafat Agus said...

Terima kasih buat post ini. Saya tinggal di Indonesia. Masa kecil saya di desa, dan mengenal dunia luar negeri lewat televisi hitam putih juga. Ku ingat waktu kecilku (aku lahir tahun 1968) suka nonton acara tivi hitam-putih : ZORRO, RIN TIN TIN, JUNGLE JIM, STAR TREK, BATMAN ROBIN, THE MAN FROM ATLANTIS dan film2 tv lainnya!

Terima kasih sudah tulis ini artikel, dan pasti aku ingat barang-barang lama ini!

My Picture