Adat Jabir, Panding & Alas.....Naka Ka Di Temu Aku

Tusun tunggu Iban meruan agi dikena ba rumah panjai ka pengawa ti besangkut paut enggau adat. Kuasa bejalaika adat ba rumah panjai dipegai Penghulu enggau Tuai Rumah. Penyalah ti mit-mit, laya, atur tanah, bumai betaun, adat jadi belaki bini enggau adat pemati nya sekeda ari pengawa ti agi beguna ka adat.

(a) Sigi Menukul - penyampau pulai ngagai mata duit sama enggau RM0.50.

(Lima puluh sen)

(b) Sigi Jabir - penyampau pulai ngagai mata duit sama enggau RM1.00

(Seringgit)

(c) Sigi Panding - penyampau pulai ngagai mata duit sama enggau RM2.00

(Dua Ringgit)

(d) Sigi Alas - penyampau pulai ngagai mata duit sama enggau RM4.00

(Empat Ringgit)

(e) Sigi Alas Ngerang - penyampau pulai ngagai mata duit sama enggau RM5.00

(Lima Ringgit)

(f) Sigi Alas Berejang - penyampau pulai ngagai mata duit sama enggau RM6.00

(Enam Ringgit)

(g) Sigi Alas Betanduk - penyampau pulai ngagai mata duit sama enggau RM7.00

(Tujuh Ringgit)

(h) Sigi Rusa - penyampau pulai ngagai mata duit sama enggau RM8.00

(Lapan Ringgit)

(i) Sigi Rusa Lelaki - penyampau pulai ngagai mata duit sama enggau RM10.00

(Sepuluh Ringgit)

(j) Sigi Menaga - penyampau pulai ngagai mata duit sama enggau RM16.00

(Enam Belas Ringgit)

(k) Sigi Ningka - penyampau pulai ngagai mata duit sama enggau RM32.00

(Tiga Puluh Dua Ringgit)

Lebuh maia aku ka agi diau di rumah menya suah aku nanya mimit nama sekeda Adat kitai Iban ngagai sida ka tuai kelbih agi ngaga Niang Indai suba, tudah Niang Aki Unie, tang ni nya di kingat ka magang, nya nya alai laban diatu nyau nyamai endar begiga ka nama aja utai ka enda di temu kitai sebelah "Internet".

Nyadi tu sekeda iya ka di ambi aku sebelah "website" ......"Copy Paste". Di kena kitai sama ngenang awak bisi penemu mimit-mimit senentang sekeda Adat kitai Iban.

Terima Kasih.