"Good Luck".....Peresa UPSR Saritu.

Nurun peresa anak bujang aku sekali tu.......akai irau meda!!!!!!

Tumu pagi tu tadi aku nganjung anak bujang aku ngagai sekula, laban asai ba aku tu mih di kena aku meri peransang ngagai iya, ngicha ka ati iya bisi ransing ba ati iya napi peresa UPSR ba berengkah saritu dalam kandang 3 hari ti deka datai tu.......

Tak nyau enda berasai, nyengula ka anak ka bakatu, ni enda,baka ka saritu nyau datai ba endur iya napi peresa ba pelajar iya ba sekula "Primary", udah tu ila lalu belabuh ga masuk ba sekula "Secondry" baka taun nyin ila. Nyau irau asai ati ga meda, bisi ka enda kini penemu di anjung iya.........

Semadi nyau matah ka tunjuk bekira ka taun baru nemu anak udah ngemsai tu, lalu serta berasai ba ati aku empu, ukai semina meda pemesai tudah anak tang nyau ngira diri ka bempu pemesai tanggung pengawa ka besekula ka anak sebaka enggau urang bukai mega, laban nemu pelajar sekula tu mih beguna(Penting), ti amat beguna endar ka belanja ka besai di kena sama besemekih ba dunya ka rebak diatu, semua beguna ka duit ringgit.........

Tu baru betul-betul ngajar aku nama reti nyengula ka anak, engka tu mih asai di pelaba ka aku kabuah sida niang Apai enggau niang Indai ti beamat-amat bebendar nyengula bala anak seduai kelia menya, nyau keetup ka ngeli munyi ko niang Indai enggai ka anak enda pandai.

Uji tak tau pulai ke pun baru tauka kalih ka baru ngagai maia ka sekula menya baru iya, enti baka untak ka diatu hemmhhh.......enda patut enda pandai baka urang ney.....!!!!!

Diatu........nyau beambis duit nganjung anak "Tuition", kami suba ni bisi nemu utai ka "Tuition", ba tubuh aku endang nadai sekali, anang sebut enti enggie sida ka bukai baka sida Apai Biby, Apai Ninok lalu enggau sida ka bukai, uji ti bisi "tuition" baka ka diatu.....lembau nyembut, kada enda bisi nyadi Menteri bala kitai nye!,munyi ko niang aki suba. Diatu bala anak agi mit udah megai "handphone".......kelia ni nemu utai ka bakatu.

Tang taja pia tu semina leka kenang aku aku aja, nyadi ngagai bala anak kitai sebilik ka peresa pemeri enam (UPSR) saritu baka Zidane, Mathilda enggau Vanesa Mai ngarap ka mujur mih, serta tulih ka pemutus ka manah.