Up-Date Blogger....Keranganpanjai.blogspot.com

Tabi Semua,

Minta Ampun ngagai semua, laban enda ulih up-date blog aku tu dalam kandang maia kemisi GAwai tu, laban aku enggau kami menyanak pulai ke menua (Betong). Berengkah ari sari 29.06.2009 kira-kira pukul 3 lemai tu kami pulai ke Betong.

Lalu arap ka kitai sama bela ulih nyambut serta ngintu Gawai baka ke taun tu, pulai tau ka enda , nya nadai ngawa, asal meh kitai agi ingat maia serta taun kitai Dayak ka nyambut hari Gawai. 

Nyadi pengawa ke up-date blog aku tu di ketu ka aku naka tu dulu, enti lebuh bisi ari tau ka maia aku nguji up-date iya ari Betong ila, enti enda engka nganti maia aku pulai ka Miri baru kena 4hb 6 tu ila.

Ka penundi meri Selamat Gawai Dayak Ngagai bala kitai semua kelebih agi ngagai kitai sebilik, ngajih ka kitai Gayu Guyu Gerai Nyamai Nyambut Taun Baru kitai ka sekali tu.

Terimak Kasih. 

May 28 2009 20th wedding anniversary of Apai Ninok (Timb. President Kay's Club) Enggau Indai Ninok

George @ John Anak Kayong and Jacquline Anak Bakar

20th Wedding Anniversary

Meri Selamat Ngagai Seduai ka udah bulih 20 Tahun begulai  enggau pangan diri, Ngajih ka Pengerindu Meruan Belama Serta Gerai Nyamai Lantang Senang Bulih Rejeki Tampak Rita. Amein!!!!! 

4th June 2009 - 58th birthday of Duyan Anak Kayong (Menyadi Tuai Kitai)-Penyumbang Segala Sumber Aspirasi Keluarga Kay's.

Selamat Hari Pengada Ke 58 Tahun ngagai menyadi tuai kami, iya nya Indai Atu tauka Madam Duyan Anak Kayong, iya ti ka datai tu ila kena 4th June 2009.

Ngarap ka Panjai umur serta gerai belama serta lantang dalam semua pengawa, Amien!!! 

"Selamat Hari Gawai 2009 Ari Aku", Apai Marshal

Apai Marshal

Malam Tadi iya bisi send Email ngagai aku meri Selamat Gawai ngagai kitai ari Milan Italy

"Ngena peluang tu aku meri Selamat Hari Gawai ngagai kitai sebilik di menua, taja pan aku jauh tang aku selalu arap ka kitai semak belama ba ati pangan diri. Aku arap ka kita ulih nyangkung aku lebuh ka ngirup Ai Pengayu serta ngajih ka kitai sebilik bulih tuah bulih limpah serta bidik lansik ba taun baru kitai Dayak tu. 

Nuju Apai Atu, Apai Rubat, Apai Biby, Apai Ninok, Apai Well, Apai Imbuh, Apai Da, Wellson Agan,Apai Owen, Apai Zidane,Apai Gee, Apai Britney, Apai Tuan, enggau Chai, arap ka kita anang enda nyangkung aku lebuh maia pengerami tu, enti ngirup anang sampai mabuk, enti bejudi anang sampai pok,babi Apai Da aku sponser kita, bayar dulu ila aku mayar kita.

Lalu enggau bala kitai ka bukai mega baka sida ka indu, aku meri Selamat Hari Gawai Gayu Guru Gerai Nyamai Lantang Senang Nguan Menua.

Terima Kasih." Ari Aku Apai Marshal Duau.

Mandi Ketegal Kelalu Angat

Enti bala kitai diau di bandar Miri tentu kita bisi ngasai ka pengangat ari ditu. Kadang-kadang suhu pengangat ari datai ba 34Deg C. Nyau nyengat asai panas ba tubuh. Kami menyanak nyau ka 24 jam masang air-conditioning laban enda tan ngenat ka asai angat.Bala sida anak aku pan bakanya mega madah kediri "peluh". Kasih meda tudah nyau jempok baju laban peluh. Nya alai ari minggu ka dulu kami ngagai Taman Awam, nganjung sida mandi kia....

Pegerakkan Wanita Kays Club

Terindah dan menawan serta anggun........

Bepechah kitai belah begempung kitai tegut.

Aya Pipit Machal ( Aki Unie Pulai Enda Madah)

Aki Uni pulai ke Betong nadai madah, aku baru nemu pagi tu, nya pan lebuh maia kami duai Apai Tuan pagi tu ka ngambi iya ngagai sida Kibak, datai din meda sida nadai di rumah, aku lalu talipaun ngagai Kibak, dia Kibak lalu madah ngagai aku iya udah mupok pulai ke rumah ngena bas malam tadi, tekenyit endar aku ninga iya tak pulai enda mada, tusah ati aku berunding ka iya tak pulai kediri ngena bas, sinu ga endar ka iya, kasih tak pulai kediri, kami enda sempat meri iya anak belanja, enda nyangka iya tak pulai enda madah.

Pagi tu mega aku talipaun ngagai indai Da, madah ka iya udah pulai malam tadi, tang nyetuk ngagai pukul 10 tu tadi lalu bedau datai ko indai Da, enti malam tadi iya angkat pukul 8 malam enda patut enda datai ga ko aku.....

Kira nyau pukul 10.30 tu tadi indai Da lalu talipaun ngagai aku madah ka iya baru datai di rumah laban terus di bai bas ngagai Pasar Betong dulu ko iya, aku pan bisi bejako enggau iya, tang laban iya ka enda tentu ninga mar endar di bai bejako, iya semina madah kediri udah datai ngagai aku, aku enda nemu chara ka bejako agi, deka aku nganu iya laban pulai enda madah, enggai ga aku, ukai iya tak anak mit deh.....

Tang 'syukur' munyi ko laut, iya udah datai, aku tak agi belala endar begulai enggau iya ditu, apin sempat mai bajalai kia-kia laban ka gawa siang, aku nyau gawa malam iya ga pulai.

Nyadi ngarap ka iya majak gerai segerai lalu nyamai serta lantang baka ka nyau nyambut Gawai tu. Salam Gayu Guru Gerai Nyamai Ngagai Iya, ketegal iya Aki/Ini/Apai/Indai/Aya/Ibuk Kitai..........Enti enda kitai sapa agi, enti enda diatu kemaia agi.......Terima Kasih.

Tim Bebatak Tali Udah Besedia Bebatak Baru

Indai Hendrix Owen udah nyedia ka siti tim iya kediri empu, tang iya enggai madah ka sapa ti di pilih iya sekali tu, laban takut ka urang nemu dulu.....ila meh ko iya kitai sama meda bala ti di pilih iya sekali tu, ni nemu engka tak bisi pemain 'import' sekali tu......

Bakanya mega tim batak tali enggie Apai Hendrix Owen, udah besedia, tang sekali tu iya agi ka ngena pemain iya ke lama, semina 2~3 iko aja 'akan digugurkakan',siko ari sida iya di 'gugurkan' sekali tu Apai Tuan ko iya, laban iya kurang endar stamina lalu enda entu tan seput, lalu pia mega 2~3 iko agi 'akan digugurkan' lebuh maia nyau ka datai ila, nama sida ka ka buai tu bedau tau dipadah ka, enggai tim bukai nemu, tambah mega iya diatu agi matau menua sida di kuching din, ngiga pemain baru ko iya.......