Tebalau Layar TR. Chundau......Aki Well.
Mansang nyamai meh, tak nurun aja, laban agi stidi enda tak irau ga. Tang pulai lagi bisi asai di tat ka lebuh ka bejalai pulai laban pala udah palau, enti di ba Tebalau bula enti enda palau, umbas iya gasak sida din, nyau ulih nyeliah ka sekeda bilik endur tama, enti enda kada ulih pulai....
Lelak meragau nengah jalai maia pulai enti palau pulai ngabang...
Peda kitai pengerenjan jalai ba penurun ari stesen sida, ba sida tu engka pekara mit aja, ketegal laban udah biasa, endang sigi jalai sida tiap hari, tu nadai tak meri penanggol ngagai sida, enti lebuh ngambat van bekilo-kilo getah desan sida, lada pan nyau bekilo-kilo meh desan sida, udah nya pulai ngambat van lalu mai ga tong gas, ukai tong gas kosang nya,bisi ngesan mai beg simen meh keda, ni bisi ngawa nya ba sida, lama udah bakatu ko jako.....
enti kitai ka enda biasa tusah endar pelaba aku....
Udah abis penurun mansang kin lalu niki ga peniki pendai sida, umbas iya sepi aku, bisi dua kali bala kami ngetu narit seput dulu, ukai bisi mai utai nya, tak semina gendai-gendai aja, enti mai utai kada enda suah agi ngetu neh............
Kami ngetu ba palan injin getah sida....
Laban lama udah enda meda injin getah, kami lalu ngetu dia, ngambi ka enda kena panas,
aku sempat ga megai serta musin ka injin getah sebelah nya......
Sinu ngenang pengawa maia ka agi beguna ka injin getah suba.....
No comments:
Post a Comment