Saging udah landik ngaga Me Gulung baka enggau iya ti di gaga Ajun di pasar,
lemai tu tadi sida Apai Ninok menyanak udah belajar bakani chara ngaga Mee Gulung ngagai Aging, nyau rami endar sida selemai tu tadi begaga ka Mee Gulung, Aging seduai Apo Iya nyadi 'Chef Cook'. Ngaga Mee Gulung tu nadai tentu ngena kos ti tinggi, tang cina di pasar baka enggie sida Ajun nyau kelalu mar ga nyual MeeGulung, nyau RM3.50/- semangkuk.
Apai Well benung ngerendam Mee Gulung.......
Ninok enggau Mummy iya sama bisi datai enggau belajar bakani chara Aging ngaga Mee Gulung, Indai Ninok nyau alit ati meda pemandai Aging ngaga Mee Gulung........
Indai Well nyirap bawang lalu nyendia ka utai ti di kena ngulai Mee Gulung.....
Tu Mee Rangkai ga, laban bisi ga promosi Mee Rangkai, ukai semina Mee Gulung aja digaga sida lemai tu tadi....
Ninok seduai Imbuh sama belajar ngulung Mee Gulung. Imbuh bisi datai ari Seratok laban deka sama belajar ngaga Mee Rangkai enggau Mee Gulung ba Aging....
Tu meh sekeda ari rempah utai kena ngulai Mee Gulung enggau Mee Rangkai.
Resipi Mee Gulung Mee Rangkai Aging.
Rengka utai di guna/kena:
- Tepung Gandum
- Tanchai
- Bawang Merah/Burak di goreng
- Aji No moto
- Dagin Babi
- Sayur mimit
- Darah/perut babi
- Fish ball
Chara manduk, enda tau di tulis ka ditu enggai ka orang bukai nemu, enti kitai sebilik ka nemu tau nanya ngagi Aging seduai Apo iya. Ungkus kena ngaga semangkuk di anggar ka kira-kira RM1.50/-, enti sema dijual nitih ka rega enggie cina (Ajun) di pasar kitai tau untung RM2.00 ba semangkuk Mee Gulung. Nya meh kabuah Apai Imbuh ngasuh Imbuh ke Betong awak ka sama enggau belajar ngaga Mee Gulung ba Aging seduai Apo iya, engka Apai Imbuh ka nguji bedagang ngaga Mee Gulung ba kedai iya di Seratok.
16 comments:
nti aging dah badu sekula ila asuh ku ngaga pantang ba tubuh awak ke baka ajun.
Saging sekumbang ka dah nemu ngaga Mee nyau bungkok belakang, cakoh baka Ajun.
Towel selalu dilempai ka aging ba belakang kena ia ngendas peluh. Nyau bisi sumpin ia diatu.
haha..kitak tok jeles ke aging pandai ngaga mee rangkai mee gulong neh..kapa ninga ke sida nyak aging..ilak mau datai di betong, ku order makai mee ba nuan ajak, nibuh makai mee di pasar din hehe
hehe..ila ngasuh ubit blakun nyadi adk ajun ke selalu megai botol tusu nya ga.
auk neh.ubek kan landik belakon haha..bajik ke gamal nn ubit ntik nyadi adik ajun k.
Antik asuh belakun jadi adik Ajun ngaku agi gamal ia laban selalu endar ensium panggal but ia deh
hahah! amat cun nya...aku ka meh ngudo mee gulung ba aging ila...lama dah lelengau ka mee gulung. enti ubit ulih belakon nya nyamai gik asai mee gulung pelabo ku...
Ubit asoh nganti anak Yap ngaga mee dawai he.he.he..
nyamai kami diatu sekumbang aging nemu ngaga mee gulung..nda kiruh gau urg branti lama ba kedai..te ngudo ja ba aging..ti ka makai bubur bc go apai well..ti ka ngirup ngaga ai tea..hiihi....
sida apai well sebilik tok nang stidi ..tau muka business sida sebilik ilak. bisi nemu pengawa magang..ngaga mee, ngaga teh, bubur, ikan ancur..kita ti ka amat ngudo nya..anang tak ngudo sengudo (balat jaku iban tok neh hehe), bayar baka ka ba kedai cina nya meh..
ubit pan landik meh ngaga mi gulung tang mi gulung ubit special mimit laban ia nagag mi gulung ba tilam.mi laksa landik ubit.hehe
nyamai mee gulung gaga ubit...hehehe
ngakun mat gamal inuk ngau imboh nya ngulung mi,baka indai ajun ngau anak yap..heheh
amat ko nuan mee...patut asai kala meda...hehehe
gawak ke saging seduai inuk n imboh nya..jadi kuli ngulong mee ke saging neh..pama ndar aging diatu..ku pulai ke betong minggu baru ilak, ka ngudo mee gulong ari saging ku hehe
Post a Comment