Keling Gawai Hendrix Owen Masuk Spital

Tu gambar baru di terima aku ari Indai Roy, kasih endar aku meda, ngagai Apai Owen seduai Mummy Owen arap ka besabar meh, ngarap ka Owen tau jampat gerai.....
Baru nemu berita tudah iya masuk spital, nadai orang madah ka aku, semadi aku bisi bejalai ke Piasau baru aku nemu, udah nya aku lalu talipaun ngagai Apai Owen, udah bejako enggau Daddy iya baru ati aku enda agi irau..

Nitih ka di padah ka Daddy iya, Hendrix Owen di taban ka masuk Spital kira pukul 3 pagi dini hari kemari 3 hb April 2009, udah nya lalu di Operation kira pukul 9 pagi,(Enti kita ka nemu enggau silik agi tau talipaun ngagi Daddy iya). Tang diatu kira udah pama mimit, udah nemu kitai semina agi lemah, biasalah sigi gaya kitai baru di operation. Ngarap ka iya majak manah lalu ulih jampat gerai baka selama....Amin.

Tu gambar bujang sigat kitai tu maia ka enggau orang bepekit keling maia Gawai taun 2007 suba, iya udah bulih nyadi cempian lalu nyadi Keling Gawai taun 2007.
Endang sigi ngaku nyadi Keling anak orang tu, besai langkar tubuh enggau tegap endar gamal serta ganggam....

Ila kitai nyabung iya baru enggau orang bepekit Keling ba maia hari Gawai ka bukai.

Terima Kasih.