Tengah hari tadi nerima pesan jaku pandak ari Impie (Indai Britney) madah ngagai aku, akie Da udah nadai pagi tadi.....nadai ga iya madah pukul berapa?
Udah nya aku lalu nerima ga pesan jaku pandak ari Indai Da empu.
Nya mih utai ka nyadi saritu, keni ko enggau iya deh, tu mih pengawa ka enda ulih di seliah ka kitai mensia iya pemati.......
Aku lalu berunding keni ka jalai, nyau kusut runding ga aku, lalu besaut ga enggau Well nengah pesan jaku pandak, kami duai berandau keni chara ka sekali tu, kasih serta sinu endar ga ka Apai Da, ko kami duai, nyau kepuas kami duai ka bebalas ka pesan jaku pandak, dia deh pemutus iya kami duai madah ka diri enda ulih mulai kediri ka sekali tu, ukai enda sinu ga, tang bisi endar penanggul ga ba kami duai, apin bedau lama endar ga baru puali ari menua, enti pulai ga ni enda majak suntuk ga ba segi anak belanja deh, nyin minggu baru ila mupuk ga puali ke Kuching.........apu tusah endar ga tu, nyau ka pechah asai pala berunding ka tu.
Nya mih, tak ngenda ka diri ga sekali tu, semina ngirum ka anak belanja aja ga sekali.
Ukai ngenggai ka diri pulai, maioh endar pekara bukai ka enda ulih di seliah ka.
Lalu kami ka ari Miri ka enda ulih datai ngarap ka bala kitai ka di menua din ga ngari ka kitai sebilik. Lalu pesan ngagi sida Apai Da sebilik ngarap ka ulih besabar mih, tusah sapa enda tusah lebuh ka kena tinggang pengawa ka bakatu........serah aja ngagai Petara,ngicha,serta ngajih ka semengat Akie Da meruan di kemata ka Petara belama-lama lalu bulih berkat ari iya, Amien!!!!
No comments:
Post a Comment