Berengkah Manggai Ba Bulan Dua...2010.

Tabi Semua.....

Saritu 1hb Februay 2010,

Tak lain endar asai ati tu, bakeni ko enggau tu neh!, pengerindu betulis ka utai ba blog nyau majak kurang sekurang, kesatu engka ketegal nyau majak nadai hari agi, kedua engka nyau nadai tentu pekara ka manah deka ditulis ka agi, lalu pia mega engka ketegal pemaioh bala ka ngelamatu ka seruran ngomen (Comment) nyau kurang sekurang serta nyau majak jarang sejarang lalu enda baka ka suba agi.

Tang semua nya enda ga tak kelalu ngenusah ka ati aku, iya ke bedar aku enggai ka semua utai ka di tulis enggau ka iya di keluar ka ditu nyau nadai urang ka muka tauka meda agi. Nyadi belabuh ari saritu penyuah aku ngeluarka siti-siti anak penemu deka di kurang ka aku, lalu enda baka ka udah, engka di beri ka aku sekali seminggu kini, dua kali seminggu kini?, tauka tiga kali seminggu kini? Tauka ni maia aku ka bisi hari.........

Lalu kena aku ngujung ka randau aku sekali tu, aku meri besai terima kasih ka semua penatai bala-bala kitai ka selalu tauka semampai bejenguk ka blog aku tu.......Semua anak penemu ka manah serta iya ka ngerindu ka ati lebuh ka macha enggau muka blog aku tu endang semampai dikelalu ka aku berari,kita tau bekungsi ka iya enggau aku ditu.

Terima Kasih.