Nyau begau bala kitai Dayak Iban ba Emart malam tadi laban ka meda konsert ari bala raban penyanyi kitai bansa Dayak-Iban, malam tadi lebuh aku ka ngagai Emart meli lauk sayur ikan enggau utai bukai, aku meda amai-amai ga kitai Iban nyau beterudus berebut ka kerusi laban ka meda konsert penyanyi kitai Iban, endang bedau setat penyanyi belagu,kerusi ka disedia ka orang endang udah penuh, nadai agi kosong,bala sida ka enda ampit nyau be-esun-esun neruju pangan diri ngambi ka bulih alai ka manah agi endur meda konsert, bisi sekeda mai anak mit,nyau majak maioh bala kitai nyentuk ka pukul lapan setengah malam, malam nya enti nitih ka bisi tiga iko penyanyi belagu, tang laban dua iko enda ulih datai,ianya Clement Joy enggau Ebau. Nyadi malam tadi enggau malam kemari semina penyanyi Embat Lala aja, umbas iya ga 'Performance' iya malam tadi, ari segi leka lagu enggau 'Muzik Aranggement' manah endar di peda serta di dinga aku, bisi udah maju setapak agi ari chara lagu enggau gaya muzik kitai Iban ke ngelama tu.
Bala kitai bansa Dayak Iban endang enda rari ari penduduk diri, rindang endar sida,tiap abis lagu enda nemu aku agi sida nempap ka jari tanda sida rindu serta gaga, gagit endar ati sida meda malam tadi.
Jam nyau udah nunjuk ka pukol 10 malam,tang pemaioh bala ka agi meda endang enda berubah, agi nyampau ka tadi, nyau nambah keda.
Bala sida ka betamu/bejual ka sayur baka sida ibuk nyau ka besikap pulai, laban kira ka nadai orang agi meh meli utai ka di jual sida.
Sayur sida pan sari tu pan bisi meh laku mimit, maioh endar sayur abis dijual sida selemai nya nyentuk ka malam.
No comments:
Post a Comment