Hari Balat Angat Serta Besebun Asap Tebal Di Miri

Tu jalai nuju ngagai rumah aku di Senadin, semak Curtin University,balat endar babas tisau jalai angus, nyau enda nemu aku agi sebun asap, maia aku ka nurun kerja pagi tak semina kira 50 meter aja penaka penyauh ulih peda batang jalai, sebun asap balat tebal, lama udah nadai ujan, babas nyau kin-kia angus ngenisau jalai, nemu nya sengaja di tunu urang ka tauka ukai enda nemu mih aku, tang enti maia api ka ngangus ka babas nya udah padam jemah ila, lalu bisi ga bala urang betarit ka tali lalu ngambu tanah ka udah bekau dempa api enggie sida awak ka bisi endur sida bekebun sayur baka betanam ka jagung lalu enggau iya maioh macam utai tanam ka bukai.

Tu jalai aku nurun mansang kerja ke Kuala Baram mansa Curtin University, nyin ujung jalai,peda kita, nyau enda di peda kerita sebuah nyin enti enda masang api, tu betul-betul ngenusah ka bala ka betengah ka jalai alun, maia musin kemarau tu, nyau pedis amat asai batang rekung labanhari ka kelalu bangat angat, endang enda ngetu beirup ka ai amat, nyau kembai perut, iya ga tak seruran asai ikak endar nyawa......

Enti maia ka enda kerja lembau endar asai ka nurun bejalai tauka keluar rumah,nyamai agi ngenat ka diri........

Nia maia mih kami ditu bisi ujan neh, lelak endar gawa ngelaban hari ka kelalu bangat angat baka ka diatu, lalu kami ditu semampai ngarap ka hari bisi ujan mih dalam kandang ka ka datai tu ila.