Apai Ratcheal (Chai) Rindu Ka Pengawa Nginti

Tu ikan pari ulih iya minggu nyin kemari...Jang kitai tu sigi rindu endar ka pengawa nginti ikan. Iya endang nadai pengawa bukai enti lebuh iya datai ari tasik, endang seruran enda ngetu bejalai ngiga endur ke manah alai nginti ikan, barang tau perengka ka di kena iya nginti enda nemu ku agi nyau beratus rega, siti ginti aja ko iya madah ka aku nyau semak Lima Ratus rega iya, ni perengka bukai agi, sida tu enda ngena umpan belut baka kitai enti nginti,Oooo.....umpan sida tu eah! lembau nyebut nyau bepuluh ga ringgit rega, umpan palsu iya baka gamal anak ikan, baka anak undang bisi, baka gamal anak suntung pan bisi serta enggau iya ka bukai.
Landik endar Jang kitai tu nginti, enda nurun sebarang maia iya tu nurun nginti, ka meda bakani ka gaya ai, ni maia jam ka nginti enti pagi tak pagi ga ko iya nganu aku, enti nyau ngalih hari enggai ikan makai nginti ko iya, ukai maia ikan makai agi........

Enti ikan tuman endang tak asi sida, nyau ulih milih ikan tuman enti sema ulih, iya mit enti ulih lalu di lepas ka sida baru, semina ka umbas iya pemesai aja di bai pulai nyadi ke lauk...........


Tu gaya ikan iya ulih mata ginti beumpan ka umpan palsu.......





Tang mih bujang tu lalu bedau nyaut aku lebuh aku ka deka madah ka iya aku deka enggau iya nurun nginti, ka meda bakani ka chara sida tu nginti, aku berapa kali udah madah deka enggau iya lalu bedau ga iya madah, semina mulut ka nyebut ka mai tang patung lalu enda nyaut......... Pelaba aku iya ke bendar iya enggai tentu deka mai urang enggau bala sida, laban palan tauka endur ke manah alai nginti pedis endar ka ngiga, sida enggai tentu ka madah urang ni palan ka manah alai nginti...........

Aku rindu endar ninga cherita ari iya pasal pengawa ka nginti tu, nya mih aku suah madah ka diri deka enggau iya, tak nganti iya madah aja ni maia, enti sema maia iya ka mai aku nya maia aku kerja biar aku cuti sari ko aku nganu iya, tang mih tak semina rising-rising....kumbai iya bula aku ka deka enggau iya, enda ngawa ga enti sema enggai mai, ila nganti pulai ke rumah aku mai Aging enggau Emon nginti ba kolam Apai Imbuh, nya baru bulih, endang temu bisi ikan dia........