.jpg)

Sinu endar meda gambar tudah Aya kitai siko tu ka benung ngenat ka penyakit iya di rumah kitai di Lubau din, kasih endar aku meda, udah jauh endar rujut enggau udah berubah ari ka ngelama tu, banding enggau gamal iya ka lebuh ka nemuai ngagai kami di Miri dalam kandang bulan lima tu taun tu tadi, enda nyangka ga utai bakatu datai nuntung iya, nadai chara agi mih tu.......,
Gambar iya sakit tu di bai Apai Tuan lebuh ka bisi pulai ke rumah ngabas tudah Tuai, Apai Tuan enggau Indai Rubat bisi pulai ke rumah ngelimpang kediri semina deka ngabas iya, sinu endar ninga cherita iya, seruran nanya ka kitai sekaban iya ke bedau ngabas iya......
Bisi ga runding aku deka pulai ngabas iya, engka tak minggu baru ga, aku bisi berandau enggau Apai Biby lebuh iya ka bisi di Miri tu kemari, enti nyadi kenA 18hb 12 ila kini aku bisi pulai, tambah mega Apai Marshal engka datai ga maia nya ari tasik.........