Projek Ngati Kediri Sapit Pengerusi Tetap Di Piasau

"Hello Boss!!..... Nama gaga nuan?" ko aku nganu iya kemari, lebuh maia aku ka datai di piasau,iya madah benung nyeruri panchur atap laban ka bisi tuduh, maioh ga tuduh ko iya, nyau ka buka semua. Lapa enda madah deh ko aku nganu iya, ulih ga kami sida Apai Tuan enggau Well nulong, tang iya madah enda ibuh nulong ga ko iya, ulih gaga iya kediri, tudah Josh deh enda mih di bai iya ngaga, tak diri iya aja.

Lebuh maia aku ka datai pengawa iya di kira ka aku nyau ka setengah ga, kira ka mimit agi mih nyau ka tembu ko iya, aku tak ngemata ka iya aja, enda nyamai endar ga tak ngemata ka aja, ka nulong iya ga madah enda ibuh.......

Pachur ka dibuai ari atas nadai urang nyambut, tak buai pia aja, dah bendar tudah tuai ngelepi ka baru, anang semak ko iya,enggai ka kena nuan!!!......
Udah nya lalu di "Spray" ngena cat, bisi empat lima tin tin "spray" di kena iya, mar endar rega seti, nyau manggai tujuh lapan ringgit.........
Neh!!!!......peda aku tak tama iya ke bilik madah ka jari telih, aku lalu ngaga diri enda meda, nya mih aku ka nulong enggau ngaga, enda ga iya ngasuh, ni enda aku masuk ka bilik deh aku......indai Rubat lalu beguai ga malut telih ba tunjuk jari iya,meda darah nyau teritik, aku ka nanya ni pamalat telih enda nyamai ga, tak teju ka aja, telih gasak nama enda nanya aku, tang ni nya laban utai bukai, endang gasak sing pachur iya nya, tang aku diau aja.............

Ila enti bisi projek baru madah ko aku enggau iya, iya tak semina nge-auk aja........!!