Sinu amai ninga berita Aya kitai siku tu ti udah di pasuk ka berubat ba spital, ari spital Betong lalu di bai berubat ngagai spital ka besai agi, iya nya baka spital Sibu, taja pan kami ari Miri enda ulih datai ngabas tang kami berasai amat gaga ati, laban bala kitai ka semak baka bala ka ari Betong ulih datai ngabas ngari ka semua kitai, tu tanda pemerat kitai enggau kaban Aya kitai tu, asai ati ku, kitai enda tau enda ga datai ngabas iya,laban kitai ngenang pemerat Aya kitai siku tu ka kitai. Ngelama tu iya udah bebendar meri penemu serta jaku ajar ngagai kitai semua, pengudah Apai seduai Indai ka udah nadai ninggal ka kitai. Aki Unie tu mih ka Apai Indai serta akiq iniq kitai. Semina siku iya tu aja mih kaban Aya ka tau disebut berat ka kitai kelimpah ari Aya sibu.Lemai tu tadi aku nerima pesan jaku pandak ari Well madah ngagai aku bala sida ari Betong udah angkat mansang ke Sibu ngena dua buah kerita, di ulu ka Apai Ninok enggau Apai Marshal serta Apai Imbuh. Tang datai ka diatu aku lalu nerima berita ari sida agi. Aku diatu agi nganti berita ari sida. Ngarap ka sida mujur datai serta selamat pulai ke Betong baru ila.
Nya aja, Terima Kasih.
6 comments:
Nama tak udah gerai aki uni deh..udah begambar enggau apai jidan seduai bos.tau endar apai jidan madah ke ia masuk spital....
haha...
chutt ko inuk
amat neh..nyau saru meda gambar tu tadi..kumbai dah pansut ari spital sibu nyin..ma update aki uniq diatu? sapa nemu
nya meh well..amat nda kini?
ma update pasal aki unie diatu? ni ubit tok alu nadai mri update ke kitai deh..
ni crita aki uni diatu? ubit alu nadai nyadi reporter gak..
Post a Comment