Ulah nya cheremin ke nyeremin diri kitai empu.Ulah nya urat ke tumbuh ba dalam, tang bebuah ba luar.Ulah nya kaling ke pengabis rapat tauka munsuh ke pengabis jai.Ulah nya lurus sereta konsisten agi ari jaku kitai empu.Ulah nya ngambarka jemah ila belalauka peneleba dulu suba.Ulah ulih ngerapat orang ngagai kitai tauka nyerara kitai ari orang.Ulah enda nemu puas semadi iya dibantai.Ulah nya tibang penemu kitai kelia suba.Ulah nya bejaku pasal kemaya hari tu.Ulah nya ka buah kenang jemah ila.
[Ulah nuan nentu ka pengawa ke deka dikereja nuan. Pengawa nuan nentuka pemujur batang pengawa]

Sunday, July 03, 2011

3th JULY 2011 ~ 16th ANNIVERSARY - IN EVER LOVING MEMORY OF "APAI TI DI KESAYAU"

Mr. Kayong Anak Duau (1932 ~ 1995)
Ka Pengingat Apai ti di kesayau,
Sari tu genap 16 tahun
Moa nuan udah nadai agi di peda,
Jaku nuan nadai didinga kami agi,
Tang taja pia.....
Penyiru, Pemanah serta Pementas nuan Apai....
Sigi endang semampai meruan di kenang kami berari,
Nyetuk ke belama-lama iya,

Enti Ai Mata ulih nyadi ka titi,
Enti Penyiru,Pemerinsa, ulih nitih ka ati,
Enti duit ulih meli nyadi ka ganti,
Nuan tetap diambi, tetap di ganti,
Lalu di jengkau kami ambi pulai baru.....

Tang Kati ko enggau,
Endang udah di atur Petara,
Nya meh ti ngasuh ati kami tetap sayau,
Tetap seruran besampi ka semengat nuan,
Ulih datai serta meruan ngemata ka kami belama.....

Amien....!!!!!
Ari,
Bala Anak, Menantu, Uchu, Ichit, Wit......
Serta kaban belayan ka bukai.

My Picture