Ulah nya cheremin ke nyeremin diri kitai empu.Ulah nya urat ke tumbuh ba dalam, tang bebuah ba luar.Ulah nya kaling ke pengabis rapat tauka munsuh ke pengabis jai.Ulah nya lurus sereta konsisten agi ari jaku kitai empu.Ulah nya ngambarka jemah ila belalauka peneleba dulu suba.Ulah ulih ngerapat orang ngagai kitai tauka nyerara kitai ari orang.Ulah enda nemu puas semadi iya dibantai.Ulah nya tibang penemu kitai kelia suba.Ulah nya bejaku pasal kemaya hari tu.Ulah nya ka buah kenang jemah ila.
[Ulah nuan nentu ka pengawa ke deka dikereja nuan. Pengawa nuan nentuka pemujur batang pengawa]

Friday, January 29, 2010

Bakatu Gamal Anak Chapi.....Grade 1.


Tu penyandi anak chapi Apai Imbuh enti iya udah nyadi tauka besai ila, iya nya chapi dagin purih ari US. Pemerat siko-siko kemari bisi manggai lebih 400 kilo ngagai 500 kilo.
Ngarap ka pengawa ka bakatu mujur mih, lalu bisi chuan enggau taladan kitai semua, tau di titih ka, kelebih agi baka Apai Da..........

Wednesday, January 27, 2010

Taukay Sawit Kitai (Apai Imbuh) Datai Di Miri Lemai Kemari.


Bisi datai di Miri kena hari dua,iya nya kemari lalu mupuk pulai baru ke Seratok pagi tu pengudah ka bebeli ka barang ka deka di bai pulai.....
Pengawa ka datai ke Miri laban Apai Imbuh meli Chapi ba Ladang Sapi Karabungan ngimbai ladang tiga, ko iya madah ka aku iya meli sembilan iku chapi, ka tupi iya ba ladang sawit, nyadi Apai Mark enggau Indai Mark ngulu ka iya seraya ka raun, lama dah enda ke Miri......


Apai Mark maioh endar randau, rindu endar aku ninga randau, ti baka ba rumah enda rindu ngapus ka malam berandau enggau iya.

Pagi tu tadi aku ngagai Hotel ti endur sida Apai Imbuh diau semalam, iya nya ba Impreal Hotel,
datai din lalu di bai sida tiga Apai Mark enggau Indai Mark makai pagi ''Breakfast Buffet Style'' ba tingkat lima........Dah nya lalu chek out.
Udah aku lalu di asuh sida ngulu ka sida meli arak ba semak market di pasar, umbas iya ga pemaioh arak dibeli sida empat, kaban Apai Imbuh siko agi bisi enggau bebeli ka arak.....

Monday, January 25, 2010

23rd January,14th Birthday Of Ryna@Dara......

Meri Selamat Hari Pengada ke 14 taun ngagai anak menyadi aku iya nya Ryna tauka Dara, ngarap ka majak besai lalu majak mereti serta majak landik dalam semua pengawa, ngarap ka tulih ka pemansang ba runding kena napi maioh bengkah pemansang ti deka datai, kelebih agi ba dunya ke nyau majak "Mencabar " munyi ko Melayu........
Anang enda nyikap diri awak ka ulih besemekih enggau urang bukai, enti urang ulih, pia mega nadai kabuah ga kitai, tau enda ulih.......ingat "Ketup ka ngeli", munyi ko niang Indai suba, enda tau enda ulih, kitai maioh chuan,maioh teladan ulih di titih,ulih di tali kitai, ingat ka ajar, enda milih sapa ka ngajar, laban dalam kitai sigi semampai beajar-ajar ka pangan diri.
Iya ti pamadu beguna amat iya nya '' Bebasa Ka Urang Tuai"......bisi penguntung ari tu ila enti kitai endang meruan tauka semampai "Bebasa Ka Urang Tuai'', nadai pengerugi ari kitai ka bakatu, enti kitai bebasa ka urang, urang deka rindu ka kitai.................
Nya mih ajar ka agi di kingat ka aku nyetuk ka saritu, ajar ari sida Apai,sida Indai lalu nyentuk ka ajar ari bala kaban menyadi ka lebih tuai agi. Amat sigi amat, anang enda ingat kitai.........!!!
Terima Kasih.


Ngagai nuan Rynna Emmilia @ Dara, Selamat Hari pengada serta kelebih agi ngajih ka mujur dalam semua pelajar nuan, titih serta tunda singkang sida Mau, Biby, Imie, Ubit,Sayang, Imbuh, Inok.....nuan pan ulih mih enti nuan keran belajar baka sida. 1Kays Boleh.....! Terima Kasih!!!

Saturday, January 23, 2010

Selemai Ngetas Ulit Niang Akie Unie Di Lubau.....





Pengawa ngetas ulit udah tembu ka niang Akie Unie, bisi datai maia bala sida Father ari Gerija St. Augustine. Lalu bisi ngatu sembing Mass ga malam nya.
Bala kitai serumah pan bisi ga ngulu pengawa ka lemai nya.
Nyau enda berasai mih kitai ka ditinggal ka tudah Akie Unie, ba kami endang semampai jauh di negeri engka mih enda tak tentu berasai iga, tang ngagai bala ka di rumah udah tentu berasai amat pengudah ka nadai iya agi..........
Tang taja pia, tu endang udah sigi ari siti ari atur Petara ngagai semua utai ka idup di dunya, enti bisi pengidup lalu pia mega mesti bisi ga pemati.
Semina kitai ngarap ka diri semampai meruan gerai serta lantang dalam semua pengidup lalu bulih berkat belama ari Petara, awak ka bisi dikena kitai nuju jalai pengidup ti menyana alu tulih ka berkat ari iya, Tuhan kitai ka semua anak mensia......Amien!!!!!!

Friday, January 22, 2010

Maya Bubuk Dah Datai Baru.....



Diatu Musim bubuk kini, laban udah bisi kenu bala kaban aku, bisi ga bala sida udah enggau urang berebut meli ba sebelah tebing tasik ti suah endur urang ka bejual ka bubuk, tang rega iya agi mar, Rm5 ~ Rm6 sekilo........
Maioh ga bala sida uda bebeli kabubuk taja rega iya agi mar, enggai nadai agi baka ka taun nyin kemari, nyau enda ampit mih bala keda, laban ka agi nganti rega nurun kenu ko jaku, tang pengudah iya bubuk pan nyau nadai agi....
Aku lalu bedau ga enggau bebeli, nganti minggu baru nyin ila ka ga aku nguji meda lalu nguji meli.

Wednesday, January 20, 2010

Kerita Baru Exora MPV Apai Britney......Lawa Wai!!!


QMP 2303......sama enggau Plat Wira.



Baru nerima pesan jaku pandak ari Mummy Britney, mdah ka kerita Baru MPV sida pansut pagila, pengudah ka udah nganti dua tauka tiga bulan ka udah lalu.......

Mummy Britney madah kaler 'Silver' baka ka datas din, akai lawa sida menyanak ney, bala uchu, serta Akie enggau Inie Britney...

Aku nanya kemaia masu tayar, lalu bedau saut iya ga tanya aku, engka ila mih nya, ila kami madah baru, aku lalu bedau bisi hari ke Piasau laban kerja siang. Enti enda nyamai ga nanya bejaku enggau sida.

Nyadi meri ''Selamat Gaga Ati'' ngagai sida Apai Britney sebilik, ngarap ka majak mujur dalam semua pengawa, Puji Tuhan,Amien!!!!!!

Tuesday, January 19, 2010

Ikan Enggai Makai Ginti.........!!!!!


Kenneth Saging seduai Marshall Duau rindu ka pengawa nginti, hari tu tadi seduai iya nginti ba pegung Aki Well di ulu din, ni enda nyamai deh, sigi bulih mih ikan enti nyau nginti ikan ba pegung, endang temu bisi ikan, nama peda enda ga bulih nginti, ukai nama nya,sigi urang ka nginti nya enda entu berapa, ikan pan enggai makai ginti taja umpan iya manah.
Nadai ga Aging madah ngagai aku seduai bulih tauka enda...........

Sunday, January 17, 2010

Masuk Empat Hari Udah Nadai Ulih On-line......Pedis Ati!

Ketegal Computer aku system down.....anjung "repair" (Reformat baru)......
Nyau belaya enggau anak Cina ti 'format', ni enda nyau habis aku empu data save aku ba D lenyau gayak ke sida ti ngadu ke iya ko jaku........

Udah ku madah ngasuh iya back-up dulu sebedau Format iya,tang Cina nya madah, "format tidak kacau D, Cuma C saja," lalu lebuh aku ka ngambi iya lemai kemari, dia iya madah semua aku empu "Save Data" habis...........akaiiiiiiiiiii......deka nyabak aku ninga, tak semua aku empu gambar-gambar ke ngelama tu udah nadai agi, pia mega lagu-lagu ka Downloud aku ngelama tu pan habi lengis udah nadai agi..................!!!!!

Enda nemu chara agi aku berunding, nyau ka pechah pala aku ka berunding serta ngigat ka semua utai ka di simpan aku ngelamatu.......!!!

Keni ko enggau iya mih.
Terima Kasih.
17hb Jan. 2010

Friday, January 15, 2010

Semalam Sebedau Pulai Ka Miri.....Bemalam Di Pasar Betong.


Malam maia ka bemalam ba rumah baru Apai Marshal sarinya sebedau pulai ke Miri, Apai Masrhal lalu muka arak bisa iya 2 butul, arak ka naka iya pemanah serta iya berega mar mega, iya nya ''Remy Martin" enggau "Special Blue''........

Enti enda Sapit Pengerusi Tetap engka enda di buka iya ngapa ga arak nya, ni enda gaga endar kami sida Apai Atu (Po Wai), Apai Ninok, Aku, Apai Tuan enggau Well deh, abis dulu Remmy Martin, dah nya lembau ga nyawa tak deka endar ga ngirup malam nya, laban Apai Marshal ka nyamai endar di adu ka Apai Rubat malam nya, nama agi deh, lalu tebuka ga arak ''Special Blue'' iya, tu ga nyamai agi ari ''Remy Martin''.
Nadai kala ga aku meda Apai Rubat atai utai ngeka nya ga ngirup malam nya, taja pan iya ba pun lemai nya bisi buya makai buah rian laban ka ngulu ka Apai Tuan ke Serudit ngambi buah rian sida aki Tuan.

Nasib ga bisi begambar lalu ayan ditu, enti enda kumbai Apai Biby seduai Daddy Owen bula ga kami, sayau ga seduai nadai, enti enda pia nyadi endar kitai semalam nya.

Ila nganti Apai Marshal datai baru ila, baru kitai ngirup baru, bisi kami mesan ngasuh iya meli baru di menua tasik din. Naka ka udah tu kami aja ga ngirup neh!!!


Malam nya maioh endar baju kerja Apai Marshal di perebut ka kami. Aku bulih endar, kasut safety sepasang, jeles endar Apai Tuan seduai Well..........

Thursday, January 14, 2010

Tembu Pengawa.......Pulai Makai Di Kerangan!!






Tu mih pengawa ka penundi,semua pulai basah magang laban ka belaban ka pemanchal mensia siko-siko, di pungkal bala sida Indai Dubah, perau senganja di karam.........

My Picture